私隱政策

1. 資料控制者

COZY KIDZ WORLD（香港商業登記號碼：25403366），營運 CoziBiBi。

私隱聯絡：custom@cozibibi.com

2. 我們會處理甚麼資料？

• 你的電話號碼、登入資料、家庭成員及權限設定
• 你主動上載的頭像及成長相片
• BB 暱稱、出生日期，以及你主動提交的照顧紀錄（例如餵奶、換片、睡眠、體溫）
• 你經 WhatsApp 或網頁傳送的文字或語音，以及系統整理出的時間線和報告
• 保障帳戶安全、處理支援及維持服務所需的最少操作紀錄
• 你喺真人客服留低嘅留言：只用嚟回覆你，保存 30 日後自動刪除；唔經 WhatsApp，亦唔會儲存你嘅原始 IP 位址。請唔好喺留言寫身份證號碼或醫療資料

3. 資料用來做甚麼？

建立及更正照顧紀錄、整理摘要和報告、協助家庭交接、通知已授權家庭成員、處理登入與權限、回覆支援，以及防止訊息被重複記錄。我們不會出售家庭或兒童資料，亦不會將資料用於廣告。

4. 誰可以查看？

只有獲家庭管理員授權的家庭成員，才可以查看相關紀錄。

5. 我們會與誰合作？資料會在哪裡處理？

為提供服務，我們會委託以下類別的服務供應商處理資料：

• 即時通訊平台：傳送及接收 WhatsApp 訊息
• 雲端儲存及運算服務：儲存資料及運行服務。主資料庫位於美國；為加快讀取，供應商會自動在多個地區（可能包括亞太地區）設唯讀副本，副本只用作讀取、不另作他用，地點由供應商決定。資料加密儲存及於傳輸時加密；
• 語音辨識服務：將語音訊息轉換為文字，於美國處理
• 文字理解服務：理解訊息文字並整理成照顧紀錄，主要於中國內地處理；主要服務未能使用時，會改由另一家後備文字理解服務處理，處理地點以該供應商為準
• 語音合成服務：將 BiuBiu 的確認訊息轉換為語音

這些供應商只會在提供 CoziBiBi 所需範圍內處理資料。如需了解服務供應商的詳細資料，可電郵 custom@cozibibi.com 查詢。

在 CoziBiBi 應用程式內使用語音記錄前，我們會列出所用 AI 服務供應商的名稱、處理地點及用途，並在你明確按「我同意」後才會傳送你的語音或文字；不同意的話，你仍可用手動方式記錄。名單有改動時，我們會再次詢問你的同意。你可以隨時電郵 custom@cozibibi.com 撤回同意。

6. 模型訓練

我們不會將你的資料用於訓練我們自己的模型。我們選用服務供應商時會考慮其資料使用條款，而各服務供應商會按其各自條款處理資料。

7. 語音訊息

語音只用來辨認你想記錄的內容。未能辨認時，系統不會猜測或建立虛構紀錄。

相機、相片及樣貌資料（Camera, photos and face data）

我哋唔會收集或處理樣貌資料（face data）。以下逐項說明：

• 收集及用途（Collection and use）：只有當你上載成員頭像或成長相片時，我哋先會使用相機（如果你揀拍照）或你揀嗰一張相片，唔會讀取相簿內其他相片。相片只用嚟喺你哋家庭嘅畫面顯示。我哋唔會做人臉辨識，唔會建立人臉模板或臉部幾何資料，唔使用 Face ID、ARKit 或 Vision 嘅人臉功能，唔用相片辨認或分類任何人，亦唔用相片訓練任何模型。
• 處理及存放（Handling and storage）：相片上載前會喺裝置縮細，伺服器亦會移除相片內嘅位置及機身資料（EXIF）。相片存放喺我哋嘅私人雲端儲存空間，只有獲授權嘅家庭成員睇到，唔會公開。
• 分享（Sharing）：我哋唔會將相片提供、出售或分享畀任何第三方，亦唔會用作廣告。雲端儲存服務供應商只係代我哋存放檔案，並無為自己嘅用途取得相片。如日後有任何第三方取得相片，我哋會先更新本政策，並確保該第三方提供不低於本政策所述嘅保護。
• 保留（Retention）：相片會保留至你更換或刪除相片，或家庭管理員永久刪除家庭資料為止（相片會同時刪除）。
• 刪除及撤回同意（Deletion and withdrawing consent）：你可以隨時喺裝置設定（例如 iPhone：「設定」→ CoziBiBi）關閉相機及相片權限，或者不再使用相片功能，以撤回同意。已上載嘅相片可以更換；成長相片可以喺該則紀錄撳「刪除」；家庭管理員亦可以用兩步確認永久刪除整個家庭資料，所有相片會同時刪除。你亦可以電郵 custom@cozibibi.com要求刪除，我哋會先核實你嘅身份，並於收到申請後 30 日內完成。

應用程式與追蹤

CoziBiBi 應用程式（iPhone、iPad App）不會追蹤你：唔會將應用程式內收集嘅資料同第三方嘅資料連結作廣告用途，亦唔會將資料畀資料經紀。官網公開頁面嘅分析工具，請見下面「網站分析與追蹤」。

8. 資料保留多久？

• 原始訊息及語音處理資料：處理完成後最多保留 30 日
• 結構化照顧紀錄及報告：保留至家庭管理員刪除為止
• 已完結的支援內容：最多保留 365 日
• 安全及刪除紀錄：最多保留 365 日

9. 你的權利

家庭管理員可以下載家庭資料、更正個別紀錄、管理照顧者，或永久刪除家庭資料。如需查閱、更正或刪除資料，亦可電郵 custom@cozibibi.com。

10. 不是醫療服務

BiuBiu 只處理該家庭的 BB 照顧紀錄，不提供診斷或醫療建議。如有健康疑慮，請聯絡合資格醫護人員；緊急情況請立即致電 999。

網站分析與追蹤

CoziBiBi 官網嘅公開頁面（即首頁同佢嘅章節錨點）使用 Meta Pixel， 用作量度廣告成效——例如睇吓廣告有冇帶到人嚟了解服務。

Pixel 收集嘅係瀏覽器層面嘅資料，只限以下兩樣：

• PageView：你瀏覽咗官網邊一版公開頁面
• Lead：你有冇撳「申請試用」按鈕（唔附帶任何其他資料）

登入之後嘅所有頁面——包括登入頁、家庭時間線、設定同照顧者介面—— 都唔會載入 Meta Pixel，亦唔會發送任何事件。任何 BB 記錄、家庭成員資料、 聯絡方法或者照顧內容，都唔會傳送俾 Meta。

你可以隨時透過瀏覽器設定（例如封鎖第三方 Cookie 或者追蹤保護功能）， 或者 Meta 帳戶入面嘅「廣告偏好設定」，退出呢類廣告量度。

Cloudflare Web Analytics

官網嘅公開頁面（首頁、功能介紹、角色、育兒資訊、最新消息、申請、公司資料同條款私隱頁）亦使用 Cloudflare Web Analytics，用嚟統計呢啲頁面嘅瀏覽次數同大概來源。登入頁、登入之後嘅頁面、照顧者介面同刪除帳戶頁唔會載入。 任何 BB 記錄、家庭成員資料或照顧內容都唔會傳送。

我哋自己嘅網站統計

除咗 Meta Pixel，官網首頁同申請頁亦會將少量統計資料記錄喺我哋自己嘅資料庫（唔會交俾第三方）， 用嚟了解有幾多人睇過首頁、撳過「14 日免費試用」同完成申請。內容只限：事件種類（瀏覽首頁、撳掣、提交申請）、 廣告來源標籤（例如 utm_campaign）、撳咗邊個按鈕或頁面位置、裝置類型（手機／平板／電腦）同語言。 唔會包括姓名、電郵、電話、BB 資料或任何照顧內容。

如果你嘅瀏覽器開啟咗「Do Not Track」或者「Global Privacy Control」，官網唔會發送呢啲統計事件。 廣告來源標籤只會暫存喺你呢個瀏覽器分頁（關閉分頁即清除），提交申請時會連同申請一齊記低，方便我哋知道申請係邊個活動帶嚟。